Giron Sámi Teáhter | Teáhtera birra
Stacks Image 102779
Teáhter lea vuolggahuvvon friddja teáhterjoavkkus Dálvadisas, mii lei bálggesdahkki ja mas ii lean dihto lávdi, nevttii sámegillii ja jođii Davviriikkain, Eurohpás ja Kanadas.
1992:s vuođđuduvai Sámi Teáhter, ja molssui nama Giron Sámi Teáhterii 2009:s. Teáhteris lea iežas lávdi, viessu ja hálddahus Gironis. Giron Sámi Teáhtera doaibman lea bargat profešunealla lávdedáidagiin mas lea vuođđu sámi kultuvrras ja gullevašvuođas, ja ovddidit sámi gielaid servvodatguoski gažaldagaid bokte.
Giron Sámi Teáhter lea dehálaš báiki lávdedáidagii ja ovdánahttá lávdedáidaga mii ovddemusat lea buot sápmelaččaid váras. Dat iešguđet buvttadeamit leat heivehuvvon sihke mánáide, nuoraide, rávisolbmuide ja boarrásiidda. Teáhteris lea čájálmasat mas geahččit besset váldit oasi iežaset eatnigiela ja giellamáhtu vuođul. Dat mearkkaša ahte sihke sámegielat ja ruoŧagiella geavahuvvojit lávdegiellan.
 
Buot teáhtera čájálmasat johtet sámi guovlluin ja muđui Davviriikkain.
 
Teáhter maiddái bargá gealbohuksemiin danin go lea álggaheaddji semináraide ja fállá ságastallamiid dutkandieđus ja lávdedáidagis.
Teáhter bargá giehtačálus čállima ovddidemiin ja maiddái dan guvlui ahte boktit teáhterberoštumi.

Bargoaddi

Regleringsreive Kulturdepartemeanttas Sámedikki bakte.

Ruhtadeapmi

Kulturdepartemeanta Sámedikki bakte, Norrbottena- ja Västerbottena leanadikkit, Giron ja Storuman gielddat. Lassin vel ohccojuvvo olggobeale ruhtadeapmi prošeavttaide.