Giron Sámi Teáhter | Dagbrott
Guopparmeahcis gávdnaba áhčči ja su nieida amas dievdoolbmo geas lea juolgi doddjon. Oalle fargga soai ipmirdeaba ahte dievdu ii leat dat geanin lohká iežas. Gievkkanis digaštallaba guimmešguovttis gii galgá mánáid fuolahit jus eadni álgá áktivisttan, ja muhtin stivralanjas ’brainstormejuvvo’ makkár nama bidjat easkaálggahuvvon ruvkefitnodahkii dan botta go dovddut hástalit gierragis.
Ruvkegažaldat sisttisdoallá nu máŋga beali ruoŧa politihkas. Dás gávdno muitalus Ruoŧa birra, barggu, industriija, ruovttuguovllu, kolonialisma ja nohkatmeahttun viiddis guovlluid birra mat lállejit našunála trauma, nu dadjá Sara Giese, bagadalli.

Dramatihkar Anders Duus lea fas dahkan drámá mii lea árgabeaivvi lahka ja áibbašeami, moari ja ráhkisvuođa birra. Vuođđun muitalusas lea váttis ruvkegažaldat, oktan vuostálasvuođain mii lea gaskkal bargosajiid, luonddunuoskkideami ja sámi vuoigatvuođaid.
Rámiduvvon bagadalli Sara Giese lea maŋemustá beaggán Riksteateris čájálmasain 1984 mii jođii 2015 čavčča.

Dagbrott fállojuvvo Giron Sámi Teáhteris ovttasbarggus Riksteateriin.
Dramatihkar: Anders Duus
Bagadalli: Sara Giese
Lávdehábmen ja biktasat: Johanna Mårtensson
Musihkka ja jietna: David Giese
Čuovga: Karl Svensson
Mielde: Sarakka Gaup, David Lennemann, Mårten Andersson
Govat ja sárgumat: Mira Åkerman
Buvttadeaddji:
Riksteatern ovttasbarggus Giron Sámi Teáhteriin
Teáhterhoavda: Åsa Simma