Dramatiseren Moa Backe Åstota rámiduvvon álgorománas 16-jahkásaš boazobargi Ánte birra guhte liikogoahtá iežas olbmái, Erikii. Dovdá dovdduid mat eai dáidde soahpat sámi boazodoalus. Eaige gárvodanlanjas dahje FIFA-speallama olis ge. Eai várra su iežas siste ge.
Livččii go buoret šaddat ovttas Hannain – nu dego Erik lea ovttas Juliain? Feasta gos juoga dáhpáhuvvá. Áhčči guhte ii ipmir ahte ráhkisvuođas sáhttet leahkit ollu iešguđetlágán hámit. Áhkku guhte oaivvilda ahte ráhkisvuohta lea buot stuorimus.
Albmebuollin lea muitalus mii boktá ollu dovdduid nuorravuođa ráhkisvuođa birra. Ánte gesso guovtti guvlui, iežas bohccuide, sámi árbái – ja Erikii geasa dovdá gildojuvvon dovdduid.
Dát lea áigeguovdilis muitalus rahčama birra eallit dulbmojuvvon eamiálbmogin – rahčat máŋgga ládje ja geahččalit birget. Ánte bokte beassat váldit oasi sámi historjjás ja identitehtas, dan seammas go oažžut ođđa perspektiivva das maid sáhttá mearkkašit rahpasit vuosehit iežas dovdduid.
Ánte addá jiena buohkaide geat – beroškeahttá dilálašvuođa – šaddet vuostebiggii vázzit, duostilvuođain.
Robin N Spegelis, Moa Backe Åstota Himlabrand romána vuođul.
Bagadallan: Patrik Pettersson
Lávdehábmen: Josefin Hinders
Bivttashábmen ja mouhtovuoidasat: Linnea Arminda & Farah Davids
Sámi bivttashábmen: Sara Svonni
Jietnahábmen ja čuovga: Emanuel Arvanitis
Kulturcoach ja šuokŋadhkki: Paul Ol Jona Utsi
Lihkadanhábmejeaddji: Camilo Ge Bresky
Dramapedagog: Malin Byman
Neavttárat: Marja Utsi, Kristian Tapio, Jesper Bark Brandin ja Karin Ronnle.
Ovttasbargu Dalateáhtera ja Giron Sámi Teáhtera gaskkas
Álgočájálmas: Golggotmánu 2 beaivvi, Dalateáhteris Falunis.
Čájálmasáigodat: Golggotmánu 3 beaivvis – njukčamánu 19 beaivái 2027.
Čakčat 2026 Dalateáhter fuolaha čájálmasa johtimis, olles Region Dalarna guovllus.
2027 ođđajagimánu rájis Giron Sámi Teáhter fuolaha čájálmasas, riikka eará guovlluin.
Guhkkodat: sullii 60 minuvtta
Ulbmiljoavku: nuorat 12–16 jagi
Giella: Ruoŧagiella ja muhtin davvisámigiel dajaldagat
Lágádus: Colombine Teaterförlag ja Salomonssons Agency
Mielruhtadeaddji: Dramatikerráđđi Ruoŧa girječállefoanddas.
Lávddi biggenmihtut: 8×6 mehtera
Dáhkkeallodat: unnimusat 4 mehtera
Sevdnjes latnja: Juo
Elrávdnji: 1×16 A + 1×10 A (jietna)
Biggen- ja guoddinveahkki: guokte olbmo
Biggenáigi: 4 diimmu
Háddjenáigi: 1,5 diimmu
Guoddin-, biggen- ja háddjeveahkki: guokte rávisolbmo (unnimusat 18 jagi) olles biggen- ja háddjenáiggis.
Haddi: 17 000 ruvnnu lassiárvodivada haga ja orrun guđa olbmui, hotealladássi. Okta idja juohke neaktinbeaivái. Guokte čájálmasa ovtta beaivvis: 29 000 ruvnnu lassiárvodivada haga.
