Vuorkkás gávnnat dieđuid ovddeš buvttademiid birra dego Mon lean duhát jagi/Jag är tusen år, När vinterns stjärnor lyser här, Byfinnar, lappjävlar och annat pack, Arctic Performance ja What’s up Sápmi.
Buot govat leat suddjejuvvon vuoigŋaduodjelága bakte ja eai sáhte geavahuvvot mange eará oktavuođas go Giron Sámi Teáhtera čájálmasain ja dáhpáhusain. Čále álo govvejeaddji nama jus geavahat govaid.
Seaibenásti ja Šelgesnásti
Poehtalaš muitalančájálmas mii dáhpáhuvvá almmi ja eatnama gaskkas. Fantasiijalaš máinnas gos, myhta, máinnas ja min galáksa: Lodderáidaras hástet min fárrui.
Suddi
Giron Sámi Teáhteriin ovttas Scenkost Sörmlanddain leaba gohččon Virpi Pahkinena ráhkadit bihttá mas njeallje dánsejeaddji ja sámi fáddain. Inspirašuvdna boahtá Nils-Aslak Valkeapää divttaiguin. Bargu dahkko ovttas guvttiin sámi artisttaiguin, šuoŋat Roger Ludvigsen ja dáiddariin Kristin Tårnesvik.
Ædnan
Aednan, lea muitalus golmma nissonolbmo eallindilis,mii dáhpáhuvai 1900 álgugeahččen gitta dálá áigái. Dás muitaluvvo sihke eananrivttiin mat biehttaluvvuje,ruvkkiin ja dulvadeamiin mat botkije eallingeainnuid ja gielas mii dađistaga gáidagođii sin gaskas.
Lea maid muitalus sihke sis geat ohce ruovttoluotta ruohttasiidda ja sis geat dorváne ruoŧa dilálašvuhtii.
Dađistaga ja buolvvas bulvii lossugoahtet dovdduid duovdagat dán issoraš stuora drámás.
Sojiiguin
Poehtalaš máinnasčájálmas man vuođđu lea sámi muitalusat ja loddeeallin.
Čuovo mátkki badjel váriid, jekkiid ja jávrriid. Geahča máilmmi lotti čalmmiiguin. Geahča go duostilis mánát rahčet garrafámolačča vuoste. Stálu. Geahča gos mii boahtit ja gosa leat manname. Min soajit dolvot min viiddes váriid ja čáziid badjel ja fas ruoktot. Ruoktot Sápmái.
Hávdát mu váimmu Uttjájávregáddái
”Alldenstund lapparna behöver mark i båda länderna ska det enligt gammal sedvana vara tillåtet att vår och höst flytta renhjordarna över gränserna” nannii Lappkodisilla jagi 1751.
Gutnagierdu
Gean oapmi eanan lea? Dološ duođa váldde váibmui: geat vára váldet, daidda gullet luonddu láhjit; mánná eadnái, gii áittardeaddji bajásgeassá, vuoján vuoddjái, gii bálggesčuovggas čeasada, juogadeaddjái opmodat, rabas gihtii givrodat. Jávrri bivdos dakkár bivdi, guhte guođđá siemaguoli, čieža buolvva ovddosguvlui guhte muitá mearridettiin.
Árbbi maid ožžot
Árbbi maid ožžot lea dramatihkkalaš,poehtalaš ja veahkaválddálaš čájáhus. Mii lei álgoviđis sutnje eksamenbargun, muhto dál nubbástuvvonveršuvdnan Giron Sámi Teahterii. Lea áigeguovdilis muitalus Sámis. Marja Lisa Thomasson monologat bozihit jearahallamiin ja duohtavuođa muitalusain.
DEH!
Ellá lea ferten johttát eatniinis ja nu lea ferten molsut skuvlla, áhčči lea báhcán ealolusa. Dan ođđa skuvllas leat buot čáffabut ja Ellás lea váttis gávdnat vuogi mot dohkkehuvvot.Son ferte dahkat juoidáid boastut, hui boastut ja oamedovdu deaddá su.
CO2lonialNATION
Mot sáhttá kolonialiserejuvvon álbmot/našuvdna beassat eret iežas kolonialisttain? CO2lonialNATION lea hutkojuvvon duohtavuohta- ja soabadankommišuvdna, mii guorahallá oktavuođaid gaskkal daid njeallje našunálastáhtaid Suoma, Ruoŧa, Norgga, Ruošša ja sápmelaččaid, ja sápmelaččaid gaskavuođaid.
Doala dolat heakkas
Doala dolat heakkas lea Giron Sámi Teáhtera vuosttaš geasseturnea. Čájálmas lea Ailo Gaupa gudnin. Son lei journalista, čálli, teáhterovdavázzi, kultuvrralaš gaskkusteaddji, son lei árvvus adnon noaidi. Čuovo mielde mátkái su čálamáilbmái, oktan luđiin ja musihkain. Doppe olmmoš lihkada ilmmiid gaskkas.people move between dreams and reality.
Annorlunda
I vår kommer berättarföreställningen Annorlunda tillbaka, en liten föreställning som ställer stora frågor. Temat att vara annorlunda är mer aktuellt än någonsin. Vi möter fem olika karaktärer och ställer tänkvärda frågor. Hur olik får man vara? Är någon värd mer respekt än den andra? Är du själv olik?
Dagbrott
Árgabeaivválaš ruvkkiid, áibbašeami ja hástaleaddji dovdduid birra! Gii dáppe galgá čorget? Leaikás drámá julki váimmuid, stuora áigumušaid ja cuovkanan nieguid birra. Giron Sámi Teáhter ovttasbarggus Riksteateriin.
Bullá – muv buoremus boatsoj
Dál lea Bullá máhccan váris! Boađe minguin lávlut ja dánsut ja gullat áhči fearánastime. Bullá – Mu buoremus boazu / Mov bööremes bovtse / Min bästa ren čájehuvvui 2015 giđa ja čájálmasmátki lei dievaslaččat várrejuvvon ja lei máŋgga giellahámis. 2016 čavčča čájehuvvo dát fas, ođđa neavttáriiguin ja lávdegiella lea julevsámegiella mas leat oasit maiddái davvisámegillii.
Reáktor
Reáktor čájálmasain bovden du dál čuovvolit boahtteáigái. Dán geardde lihkohisvuohta lea stuorit go Černobyl goassege lei! Dušše golmmas leat vel báhcán.Gávdno go sis obanassii ge boahttevuohta?Makkar jurdagat olbmo mielas ja sielus jorret go su eallin uhkiduvvo? Gávnnašii go vássánáiggis jeđđehusa ja leago boahtteáigi oba leahkime ge?
