Giron Sámi Teáhter

Áigeguovdil

Sámi dáiddárresidensa 2025

Ohcanáigemearri miessemánu 15. b. 2025. Dieđiheapmi addojuvvo njukčamánus. Sámi kulturbargit buot dáiddasurggiin leat bures boahtin ohcat dáiddalaš residensii Västernorrlandii čakčat 2025.

Resideanssas lea mánu orrun Västernorrlánddas čakčat 2025, ovttasbargu guovllu kulturdoaimmaiguin ja máksu 50 000 kruvnnu. Dáiddalaš aktiivvalaš olbmot miehtá Sámi sáhttet ohcat.

Resideansa addá vejolašvuođa kulturbargiide geain lea sámi duogáš ovddidit iežaset hutkáivuođa. Ulbmilin lea addit ovttaskas dáiddárii vejolašvuođa geahččalit jurdagiid, háhkat máhtu, sárgut ođđa prošeavttaid dahje muđui guorahallat iežas dáiddalašvuođa.

Loga eambbo: www.rvn.se

 

Dáiddáriid Vásáhusat

”Juoigat ovda mearkka dihte ovtta báikki lea dehálaš, vai báiki muitá gii son lea. Ja nu han dat maid lea buorideami dáfus. Okta báiki mas visot lea njeidojuvvon dahje ”eksploaterejuvvon” han lea mannan trauma čađa. Ja ahte de oažžut luođi dan báikkis lea dego traumagieđahallan dan báikái. Mu mielas lea dakkár jurdda dehálaš”

Bures, ráhkis dáiddárat!

Maŋŋel ovdánbuktima Upmájis, Ubmejen Biejvieh oktavuođas 6b.njukčamánu, mii lihkostuvai hui bures Dáiddáriid Vásáhusaid prošeaktá ovdána vel stuorit ovdánbuktimii KulturSápmi oktavuođas Guovdageainnus geassemánus 2025.

Dáiddáriid Vásáhusat lea dáiddálaš ovdánbuktin sámi dáiddáriid eallilan vásáhusásaid birra mas dološáigi, dálááigi ja boahtteáigi bohtet oktii. Giron Sámi Teáhter lea jearahallan, ja sámi dáiddárat miehtá Sámi leat vástidan teavsttaiguin, govaiguin, jienain ja ovdánbuktimin live - sihke luđiin, lávdedáidagiin, girjjálašvuođain,govvadáidagiin, musihkain ja ain eanet.

Prošeakta lea dáiddálaš doarjja duohtavuođa- ja soabadankommišuvnnaide Norggas, Ruoŧas ja Suomas. Ovdánbuktimis geassemánus lágidit dievasčoahkkima sámi dáiddáriidda. Boađus šaddá ráportan Sámedikkiide, ráđđehusaide, ja dutkanbirrašiidda – dehálaš bargu soabadanbarggu ektu olles Sámis.

Mii hálidit movttidahttit buot sámi dáiddáriid searvat dán dehálaš bargui!

Vástit jearaldagaid dás.