Giron Sámi Teáhter ja Tjállegoahte bovdejit muitalanbargobádjái man Västnå teáhtera Björn Söderbäck jođiha
Bargobádji lágiduvvo miessemánu 24–26 beivviid Jåhkåmåhkes ja mii ohcat du gii leat čálli dehe muitaleaddji.
Álgá bearjadaga miessemánu 24 b. 18.00–20.00
Vuosttas oassi – Mii ságastallat muitaleami ja Björne muitalanteáhtera vásáhusaid birra.
Lávvordaga 09.00–12.00
Nuppi oassi – Oassálastit besset geahččalit iežaset ideaid ja hábmet daid vai šaddet muitalusat.
Lávvordaga 14.00–17.00
Mii álgit dán oasi čájáhusrahpamiin ja dáiddálaš jearahallamiin Inghilda Tapion su dáiddálašvuođa birra. Inghilda lea ásahan dáiddárvuorkká Ájtte museas ja oasit su stuora vuorkkás vuosehuvvojit Ája girjerádjosis.
Mii joatkit goalmmát oasi gos mii vuodjut oassálastiid muitalusaide. Mii guldalit nuppiid ja Björn addá praktihkalaš rávvagiid muitalusaid hábmemis.
Sotnabeaivvi 9.00–12.00
Njealját ja maŋimus oasis - Muitalusaid vuosttas ovdanbuktin! Mii muitalat nuppiide.
Gii lea Björn Söderbäck – neavttár, muitaleaddji, drámátihkkar ja pedagoga.
Iežas bargoeallimis lea Björn Söderbäck álot čohkken ja hábmen muitalusaid. Su muitalusgiisá lea dievva máidnasiin, myhtain, čálálaš muitalusain ja eallinhistorjjáin. Earret su bargu neavttárin ja dramatihkarin Västanå teáhteris gos Leif Stinnerbom lea dáiddálaš jođiheaddji, de lea Björn agis mátkkostan miehtá riikka ja ovdánbuktán iežas muitalusaid. Dál son sáhttá fállat 18-diimmusaš muitalanteáhterčájálmasaid gait lágán ahkejoavkkuide. Pedagogan son gaskkusta iežas máhtu muitalandáidagis.
Homo Ludens (olmmoš gii stoahká) ja Homo Narrans (olmmoš gii muitala) vázziba giehtalaga ja njálmmis njálbmái.
"Go beaivi lea vássán, de dat ii gávdno šat. Mii das báhcá? Ii miige ieža go muitalus.”
I B Singer
Avgiftsfritt, kaffe och fika ingår, lunch står deltagarna själva för.
Anmälan och frågor skickas till info@tjallegoahte.se
